Յուկիո Միշիման ամենաճանաչված ճապոնացի գրողն է աշխարհում, նրա «Ոսկե տաճարը»՝ ճապոնական գրականության ամենահայտնի գործը, որ թարգմանված է բազմաթիվ լեզուներով: Այսուհետ այդ լեզուների թվում կլինի նաև հայերենը. նշանավոր վեպը բնագրից հայերեն է թարգմանել Յասունարի Կավաբատայի, Հարուկի Մուրակամիի վեպերի թարգմանություններով մեր ընթերցողին արդեն ծանոթ Լիլիթ Խանսուլյանը: Այս անգամ վիթխարի գործ է իրականացրել Լիլիթը. «Ոսկե տաճարը» XX դարի ամենաբարդ ու դժվարթարգմանելի երկերից մեկն է, որը հիշեցնում է Դոստոևսկու գործերը: Որպես գրքի խմբագիր, որը հայերեն տարբերակը հնարավորություն է ունեցել համեմատելու ռուսերեն, անգլերեն և ֆրանսերեն թարգմանությունների հետ, կարող եմ վկայել, որ հայերեն «Ոսկե տաճարը» ճապոներեն կոթողի հարազատ վերարտադրությունն է. և ոչ միայն բովանդակության ու դրա իմաստային նրբերանգների, այլև ոճի առումով: Ռուսերեն տարբերակը, որի թարգմանիչը գրող Բորիս Ակունինն է (Գրիգորի Չխարտիշվիլի) ավելի շատ վերաշարադրանք է, Ակունինի, քան Միշիմայի գործը, անգլերեն և ֆրանսերեն թարգմանություններն էլ, հակառակը, գրեթե բառացի, երբեմն էլ ի վնաս գրքի ոգու՝ պատճենել են բնագիրը: Հայերեն թարգմանության մեջ հաջողվել է խուսափել երկու որոգայթից էլ: Բայց սա դեռ ամենը չէ: «Ոսկե տաճարը» սկիզբ է դնում նոր մատենաշարի, որը կներկայացնի այն ականավոր գրողներին, որոնք քանիցս ներկայացվել են Նոբելյան մրցանակին, բայց այդպես էլ թիվ մեկ գրական պարգևին չեն արժանացել, իսկ այդ գրողների թվում հանիրավի անտեսված շատ հետաքրքիր ու կարևոր դեմքեր կան: Միշիման ինքը 60-ականներին հինգ անգամ Նոբելյանի թեկնածու է եղել: Մնում է ավելացնել, որ մեծ ջանքերի գնով կյանքի կոչված այս գիրքն արդեն տպարան է ճանապարհվել: Շապիկը ձևավորել է Վիտալի Ասրիևը: Իսկ նոր մատենաշարը կոչվում է «Նոբելյանից 5 պակաս»:
-
Մանկական գրքի փառատոն
8 Jun 2023
«Մանկական գիրք» հասկացությունը ի հայտ եկավ բոլորովին վերջերս։ Մանկական գրականությունը ի հայտ եկավ գրեթե Արդյունաբերական մեծ հեղափոխության հետ միաժամանակ, ավելի ճիշտ՝ մի քանի տասնամյակ առաջ։ Ակնհայտ է, որ երեխաները, որոնց […]
-
Yerevan International Book Fest 2023
30 May 2023
Գրքի տոնավաճառներն ու փառատոնները միակ վայրն են, որտեղ ընթերցողները և հեղինակները կարող են հանդիպել աշխույժ և խելացի զրուցակիցների: Երբեմն նաև քննադատների, ինչը միանգամայն բնական է մի հասարակության մեջ, որտեղ գրական […]
-
«Պոպոք» մարքեթինգի և գովազդի Երևանյան 4-րդ միջազգային ֆորումը
22 May 2023
Մայիսի 19-ից 21-ը Կարեն Դեմիրճյանի անվան մարզահամերգային համալիրում անցկացվեց «Պոպոք» մարքեթինգի և գովազդի Երևանյան 4-րդ միջազգային ֆորումը ։ Միջոցառման պաշտոնական կազմակերպիչներն էին Հայաստանի գովազդային խորհուրդը և Երևանի քաղաքապետարանը: Ֆորումի համակազմակերպիչն […]
-
Կոշիկի տուփ «հիմք-փակվող մաս» բռնակները պարանով, նյութը 2մմ ստվարաթուղթ
4 May 2023
Կոշիկի տուփի պատվեր Տուփի տեսակը, փակվող մասը և հիմքը Չափը 220*320*120 մմ, փակվող մասը 35 մմ Բռնակը ժապավենով կամ պարանով, 8 մմ լյուվերսներ 4 տեղում Պատրաստման եղանակը, ձևավոր դանակով դակում […]