Յուկիո Միշիման ամենաճանաչված ճապոնացի գրողն է աշխարհում, նրա «Ոսկե տաճարը»՝ ճապոնական գրականության ամենահայտնի գործը, որ թարգմանված է բազմաթիվ լեզուներով: Այսուհետ այդ լեզուների թվում կլինի նաև հայերենը. նշանավոր վեպը բնագրից հայերեն է թարգմանել Յասունարի Կավաբատայի, Հարուկի Մուրակամիի վեպերի թարգմանություններով մեր ընթերցողին արդեն ծանոթ Լիլիթ Խանսուլյանը: Այս անգամ վիթխարի գործ է իրականացրել Լիլիթը. «Ոսկե տաճարը» XX դարի ամենաբարդ ու դժվարթարգմանելի երկերից մեկն է, որը հիշեցնում է Դոստոևսկու գործերը: Որպես գրքի խմբագիր, որը հայերեն տարբերակը հնարավորություն է ունեցել համեմատելու ռուսերեն, անգլերեն և ֆրանսերեն թարգմանությունների հետ, կարող եմ վկայել, որ հայերեն «Ոսկե տաճարը» ճապոներեն կոթողի հարազատ վերարտադրությունն է. և ոչ միայն բովանդակության ու դրա իմաստային նրբերանգների, այլև ոճի առումով: Ռուսերեն տարբերակը, որի թարգմանիչը գրող Բորիս Ակունինն է (Գրիգորի Չխարտիշվիլի) ավելի շատ վերաշարադրանք է, Ակունինի, քան Միշիմայի գործը, անգլերեն և ֆրանսերեն թարգմանություններն էլ, հակառակը, գրեթե բառացի, երբեմն էլ ի վնաս գրքի ոգու՝ պատճենել են բնագիրը: Հայերեն թարգմանության մեջ հաջողվել է խուսափել երկու որոգայթից էլ: Բայց սա դեռ ամենը չէ: «Ոսկե տաճարը» սկիզբ է դնում նոր մատենաշարի, որը կներկայացնի այն ականավոր գրողներին, որոնք քանիցս ներկայացվել են Նոբելյան մրցանակին, բայց այդպես էլ թիվ մեկ գրական պարգևին չեն արժանացել, իսկ այդ գրողների թվում հանիրավի անտեսված շատ հետաքրքիր ու կարևոր դեմքեր կան: Միշիման ինքը 60-ականներին հինգ անգամ Նոբելյանի թեկնածու է եղել: Մնում է ավելացնել, որ մեծ ջանքերի գնով կյանքի կոչված այս գիրքն արդեն տպարան է ճանապարհվել: Շապիկը ձևավորել է Վիտալի Ասրիևը: Իսկ նոր մատենաշարը կոչվում է «Նոբելյանից 5 պակաս»:
-
Կարելի՞ է տպագիր առարկան նախագծել այնպես, որ այն երկրորդ կյանք ունենա
13 Nov 2026
Փաթեթավորումը հասնում է ստացողին՝ պաշտպանելով իր պարունակությունը, ապա բացվում է։ Բրոշյուրը ներկայացնում է ծառայությունը, այն կարդում են ու մի կողմ դնում։ Օրացույցն օգնում է տասներկու ամիս պլանավորել գործերը, բայց նոր […]
-
Այն բանի բնապահպանական գինը, որը դուք երբեք չեք տպում
12 Nov 2026
Դուք ներբեռնում եք հաշվետվություն, կարդում առաջին երկու էջն ու պահում՝ ավելի ուշ շարունակելու համար։ Գործընկերը շնորհանդես է ուղարկում, որը համալրում է ձեր էլեկտրոնային փոստում կուտակված հարյուրավոր այլ ֆայլերի շարքը։ Հեռախոսն […]
-
Արդյո՞ք թղթից հրաժարվելը միշտ ավելի էկոլոգիական է
11 Nov 2026
«Հրաժարվեք թղթից։ Պահպանեք մոլորակը»։ Այս կոչը հանդիպում է բանկային քաղվածքներում, աշխատանքային էլեկտրոնային նամակներում, գնումների կտրոններում և կոմունալ վճարումների հաշիվներում։ Գաղափարը գրավիչ է թվում․ բավական է թուղթը փոխարինել էկրանով, և տպագիր […]
-
Ի՞նչ կնշանակի «տպագրությունը» 20 տարի անց
10 Nov 2026
Պատկերացրեք 2046 թվականի մի առավոտ։ Ձեռքն եք վերցնում ձեր ընթերցողական նախասիրություններին համապատասխան պատրաստված տպագիր գիրքը, ստանում եք առաքանին մի փաթեթով, որը գրանցում է ջերմաստիճանի փոփոխությունները, և վերանորոգում կենցաղային սարքը՝ օգտագործելով […]
