Մայիսի 19-ից 21-ը Կարեն Դեմիրճյանի անվան մարզահամերգային համալիրում անցկացվեց «Պոպոք» մարքեթինգի և գովազդի Երևանյան 4-րդ միջազգային ֆորումը ։ Միջոցառման պաշտոնական կազմակերպիչներն էին Հայաստանի գովազդային խորհուրդը և Երևանի քաղաքապետարանը: Ֆորումի համակազմակերպիչն ու հովանավորը Անտարես Մեդիա Հոլդինգն էր:
Ֆորումին եկել էին մասնակցելու մարքեթինգի և գովազդի մասնագետներ Մոլդովայից, Էստոնիայից, Ուզբեկստանից, Հնդկաստանից, Չեխիայից, Լեհաստանից, Բուլղարիայից, Ռումինիայից, ինչպես նաև նրանց գործընկերները Հայաստանից։
Մշակութային կառավարման ծրագրերի վերաբերյալ հատուկ դասախոսություններ են անցկացվել հայկական մշակութային հաստատությունների՝ թանգարանների, թատրոնների, գրադարանների, ինչպես նաև՝ համույթների ղեկավարների և մարքեթինգի ներկայացուցիչների համար։
Երևանյան մարքեթինգի և գովազդի միջազգային ֆորումի հիմնական խնդիրն էր ստեղծել մասնագիտական նախադրյալներ երևանյան բրենդի զարգացման համար։