Փաթեթավորման շուկայագիտական և գովազդային դերը

Արտադրանքի առաջխաղացում հասկացությունը ներառում է այն միջոցների ամբող­ջությունր, որոնց օգնությամբ արտադրողը (վաճառողը) շփվում է շուկայի հետ՝ տեղեկացնե­լով իր գործունեության կամ արտադրանքի մասին, և սպառողական շուկայի վրա ներազդելու վերջին փուլն է: Արտադրանքի առաջխաղացումը շուկայագիտության, ռազմավարության կարևորագույն տարրերից մեկն է, հատկապես լայն սպառման ապրանքների համար: Այս գործընթացում, սպառողներին տեղեկություններ հաղորդելուն զուգահեռ, պետք է ուշադրութ­յուն դարձնել արտադրանքի նորարարությունների և տարբերությունների ինտեգրմանը, ապ­րանքատեսակի գովազդելուն, արտադրողի վարկանիշը դրականորեն ներկայացնելուն: Ընդ­հանուր առմամբ, արտադրանքի առաջխաղացումը կարելի է սահմանել որպես մի միջոցա­ռում, որը ներառում է մի շարք այնպիսի գործառույթներ, ինչպիսիք են՝ վաճառքի ակտիվա­ցումը, գովազդը, փաթեթավորումը, ապրանքագիտությունը և հասարակական կարծիքի ձևա­վորումը:

Արտադրանքի առաջխաղացումը և փաթեթավորումը

Արտադրանքի առաջխաղացման գործընթացում, որը շուկայական տնտեսությանը բնորոշ տարրերից մեկն է, կարևոր նշանակություն ունի փաթեթավորումը: Արա և արտադ­րանքի առաջխաղացման փոխկապվածությունը կարելի է ներկայացնել՝ դիտարկելով շու­կան որպես երեք՝ նախագործարքային, բուն գործարքային և ետգործարքային փուլերից բաղկացած երևույթ: Նախագործարքային փուլում կարևորագույն գործոն է գովազդը: Այն պետք է հնարավոր սպառողին պատկերացում տա ապրանքի գոյության մասին, դրա նկատ­մամբ հետաքրքրություն առաջացնի, տրամադրի դրականորեն, և արդյունքում՝ հաճախորդին հարկադրի ապրանքի գնման վերաբերյալ վերջնական որոշում ընդունելուն, այսինքն՝ հան­գեցնի բուն գործարքի փուլին: Այս փուլում կարևոր դեր է կատարում փաթեթավորումը, որը թույլ է տալիս սահուն անցում կատարել հաջորդ փուլին շնորհիվ այն բանի, որ հնարավոր գնորդը գովազդում տեսած արտադրանքը գրեթե ամբողջովին նույնացնում է փաթեթավոր­ման հետ: Նախքան վաճառքի տեղում հանդիպելը՝ փաթեթավորումը հնարավորություն է տալիս արտադրանքի հետ անցկացնել տեսողական համեմատություն: Բուն գործարքի փու­լում փաթեթավորումը անչափ կարևոր դեր է կատարում՝ ջանալով հաճախորդին հարկադրել դեպի գնում կատարելը: Ներկայումս հաճախորդի փոս ներազդելու ավանդական ձևերը կորցնում են իրենց արդիականությունը: Վաճառքի ինքնասպասարկման ձևի զարգացմանը զուգահեռ՝ «կենդանի» վաճառողը փոխարինվեց «համր» վաճառողով՝ փաթեթավորմամբ: Որպեսզի փաթեթավորումը կատարի վաճառողի գործառույթներ, այն պետք է գրավի գնորդ­ների ուշադրությունը, առաջացնի հետաքրքրություն, հաճախ հիշեցնի մոռացված կարիքների մասին, ստեղծի դրական վարկանիշ և հաղորդի գնում կատարելու որոշման վրա նպաստա­վոր կերպով ազդող տեղեկատվություն: Գործնականում վաճառքի վայրում գովազդի դերը պետք է կատարի փաթեթավորումը: Ետգործարքային փուլում գովազդը ծառայում է որպես միջոց՝ հաճախորդին իր գնման օգտակարության մեջ համոզելու համար, իսկ փաթեթավորու­մը կարող է էականորեն ազդել օգտագործվող ապրանքից ստացված բավարարվածության աստիճանի վրա: Այսպիսով, արտադրանքի առաջխաղացման ռազմավարության մեջ փաթե­թավորման դերը եռակի է: Այն ծառայում է որպես գովազդ, վաճառքի աշխուժացում և հասա­րակական կարծիքի ձևավորում:

Փաթեթավորման դերը գովազդային ռազմավարության մեջ Որպեսզի արտադրողից մինչև գնորդն ընկած ճանապարհին վաճառքի համար մշակ­ված ռազմավարությունը դրական արդյունք տա, անհրաժեշտ է իրագործել գովազդային մե­թոդների ինտեգրացում: Խոսքը վերաբերում է փաթեթավորումը գովազդային արշավին հար­մարեցնելուն և հակառակը: Այսինքն՝ ինչպես փաթեթավորումը, այնպես էլ գովազդը պետք է հաղորդեն միևնույն տեղեկատվությունը: Գովազդների մեծ մասը ներազդում է վաճառքի կե­տերից հեռու գտնվող վայրերում: Օրինակ, ռադիոն, մամուլը և հեռուստատեսությունը կարող են տվյալ ապրանքը ձեռք բերելու ցանկություն առաջացներ սակայն սպառողը ի վիճակի չէ անմիջապես արձագանքել: Լինում է նաև այնպես, որ խանութում հաճախորդի համար հա­սանելի տեղեկատվություն է հանդիսանում միայն այն, ինչը ներկայացնում է ապրանքը, ավե­լի ճիշտ՝ նրա փաթեթավորումը, այս առումով կարևոր է, որ փաթեթավորումը և գովազդային արշավը հաղորդեն հենց նույն տեղեկատվությունը: Եթե գովազդի ու փաթեթավորման միջև ի հայտ գան էական տարբերություններ, ապա գովազդի համար ներդրված մեծ գումարները անտեղի կկորչեն, քանի որ բոլոր ջանքերը հաջողությամբ պսակելու փոխարեն, այսինքն՝ վաճառքի փոխարեն, շուկայի հետ շփվելու նպատակով ստեղծված շղթայի վերջին օղակը՝ փաթեթավորումը, դատապարտված կլինի ինքնուրույն գործելու: Հայտնի է, որ սուպերմարկետներում վաճառքի մեծ մասը կատարվում է շնորհիվ ներքին մղումով (իմպուլսիվ) կատարված գնումների, իսկ գնորդները վերջին պահին փոխում են իրենց նախապատվությունը ապ­րանքանիշի նկատմամբ: Գնորդները բաց են նոր գաղափարների, գովազդների և հրապուրիչ գնումների համար՝ հակառակ որևէ որոշակի ապրանքանիշի հանդեպ ունեցած նախապատ­վությանը: Այս բոլոր գործոնների միավորումը մեկ ռազմավարության մեջ կարող է կանխորո­շել արտադրանքի հաջողությունը: Փաթեթավորումը և գովազդային արշավը կարող են օգտա­գործել տեսողական միևնույն տարրերը՝ կարգախոսները, ապրանքանշանները, գույները, նշանաբանները, անվանանիշերը և խորհրդանիշերը: Առավել ակնհայտ միջոցներից մեկը փաթեթավորման պատկերի զետեղումն է գովազդի մեջ: Դա պահանջում է փաթեթավորման նախագծի համեմատաբար բարձր ճկունություն, որը, որպես գովազդակիր, հավասարապես լավ կդիտվի թե՛ խանութի դարակների վրա և թե՛ սպառողի տանը: Փաթեթավորումը և գովազ­դը, թեպետ տեղեկատվություն հաղորդելու համար օգտագործում են միևնույն միջոցները՝ բա­ռերը, պատկերները և խորհրդանիշները, սակայն արտադրանքը չեն գովազդում միևնույն ձևով, չնայած ուղղված են հենց նույն սպառողներին: Եվ այս առումով փաթեթավորումը և գո­վազդը պետք է լինեն համաժամանակյա: Այնուամենայնիվ, և՛ փաթեթավորումը, և՛ գովազդը օգտագործում են տարբեր մարտավարություններ ու տեխնիկաներ: Այսպես, գովազդը կրկնում է արշավի հիմնական կոչը, սակայն կրկնություններից խուսափելու համար հաճախ փոխում է մոտեցումը: Օրինակ՝ լվացքի սպիտակեցման միջոցը միշտ ներկայացնում է նույն դերասանուհին, սակայն տարբեր վայրերում և իրավիճակներում: Փաթեթավորումը և գովազդը տարբեր կերպ են օգտագործում խորհրդանշանները: Սպառողի գիտակցության մեջ ապրանքի վարկանիշի ամրապնդման համար գովազդը երբեմն ձգտում է դեպի շարժվող խորհրդանշանները: Իսկ փաթեթավորումն առավել նուրբ ձևով է օգտագործում սիմվոլիկան: Գովազդի բովանդակության նպատակն ուղղված է սպառողների զգացմունքներին, իսկ փա­թեթավորման վրա տեղակայված բովանդակության նպատակն է՝ տեղեկություններ հաղորդել, խորհուրդ տալ և բացատրել ապրանքի օգտագործման եղանակը, բայց սա չի նշանա­կում, որ փաթեթավորման բովանդակությունը չպետք է լինի հետաքրքիր և գրավիչ:

Այսպիսով, շուկայագիտական միջոցների՝ փաթեթավորման և գովազդի կիրառումը թույլ է տալիս առավելագույն շահավետություն ստանալ արտադրանքի առաջխաղացման համար ներդրված գումարներից:

Փաթեթավորումը՝ որպես գովազդի միջոց

Ներկայումս փաթեթավորումը գովազդի ներկայացման ամենաէժան ձևերից մեկն է: Այն համարվում է հզոր միջոց երեք պատճառներով, ազդեցության տիրույթն ավելի լայն է, քան կարելի է դրան հասնել գովազդային ամբողջ արշավի շնորհիվ; գովազդի ձևերից ամե­նաէժանն է (ազդեցության տիրույթի համեմատությամբ՝ զբաղեցրած մակերեսը և ծախսերի նվազագույնն են), պոտենցիալ կերպով համարվում է գովազդի առավել արդյունավետ միջոց, քանի որ այն վաճառքի տեղում է այն պահին, երբ հնարավոր գնորդների խումբ կազմող մար­դիկ գնման վերաբերյալ որոշում են ընդունում: Գնորդն ամեն անգամ առնչվում է փաթեթա­վորմանը, երբ խանութ է մտնում: Դա համարվում է նրա տեսասրահը, այսինքն՝ հաճախորդը, գտնվելով խանութում, տեսնում է յուրաքանչյուր փաթեթավորում: Բայց կարելի է ենթադրել, որ խանութում անցկացրած ժամանակի ընթացքում նա առանձին փաթեթավորումներ ևս նկատում է: Եվ որպես գովազդի միջոց շուկայում անվիճելիորեն ակնհայտ է փաթեթավորման ազդեցությունը բազմաթիվ ապրանքների համար: Այսպիսով, փաթեթավորումը, բացի լայն տիրույթից և քիչ ծախսերից, ունի նաև այն առավելությունը, որ անհրաժեշտ տեղում է գտնվում այն պահին, երբ գնորդը նպատակադրվում է գնումներ կատարել:

Ընդ որում՝ փաթեթավորումը պետք է նախատեսված լինի այնպես, որ շուկայում կարո­ղանա գոյատևել երկարատև ժամանակ: Այն պետք է ապրանքատեսակի համար ստեղծի լո­յալություն և լինի գրավիչ՝ ինչպես սպառողի տանը, այնպես էլ վաճառքի տեղում:

Փաթեթավորումը որպես վաճառքի միջոց

Փաթեթավորման դերը որպես վաճառքի միջոցի թեև գործնականում ճանաչվել է միայն 20-րդ դարում, բայց հայտնի է եղել ավելի վաղ: Եվ չնայած փաթեթավորման հանրաճանաչության սկիզբը թվագրվում է առևտրում ինքնասպասարկման համակարգի մուտք գոր­ծելուց շատ ավելի վաղ, սակայն պետք է նշել, որ առանց փաթեթավորման հնարավոր չէր լի­նի զարգացնել ինքնասպասարկումը: Տվյալ ապրանքի վաճառքն առավելագույնս հեշտացնե­լու նպատակով լավ փաթեթավորում մշակելու համար անհրաժեշտ էր ծանոթանալ սպառող­ների վարքագծին՝ հատկապես հաշվի առնելով կանանց պահվածքը սուպերմարկետներում: Այնպիսի մանրամասնություններ, ինչպիսիք են՝ խանութում կնոջ անցկացրած ժամանակը, գնման վերաբերյալ որոշում կայացնելու պահը՝ խանութ մտնելուց շատ առա՞ջ, թե՞ հետո, պարզվում է՝ շատ էական են: Փաթեթավորումը որպես վաճառքի միջոց նախագծելիս անհ­րաժեշտ է քննարկել հետևյալ հարցերը,

• պե՞տք է, արդյոք, փաթեթավորումն առանձնանա խանութի դարակների վրա,
• պե՞տք է, արդյոք, այն միաձուլվի շրջապատի հետ, ե՞րբ պետք է ցուցադրվի վաճառքի տեղում,
• ինչպիսի՞ բնույթ պետք է ունենա՝ հանգիստ, թե՝ ագրեսիվ;
• ինչ­պես նաև պետք է ներկայացվի՝ էժանագի՞ն, թե՞ նրբաճաշակ տեսքով:

Փաթեթավորումը հատկապես էական դեր է կատարում կապված ինքնասպասարկման համակարգի մշտապես մեծացման հետ: Ի տարբերություն առևտրի այլ տարրերի՝ փաթեթավորումն ունի վաճառո­ղին բնորոշ անմիջականության յուրահատուկ գիծ: Գովազդը և առևտրի խթանման մյուս ձևե­րը ներազդում են որոշակի ժամանակային, տարածական և հոգեբանական հեռավորությու­նից, և դա այն դեպքում, երբ փաթեթավորումը ներազդում է վաճառքի վայրում գովազդի, օգ­տագործման փորձի կամ առկա պահանջների աջակցությամբ: Փաթեթավորումն ապրանքը ներկայացնում է վերջին վաղում, այսինքն՝ այն պահին, երբ գնման մասին որոշում է ընդունվում: Եվ փաթեթավորման կարևոր խնդիրներից մեկն էլ հենց այն է, որ նպաստի գնման վե­րաբերյալ դրական որոշման ընդունմանը:

Փաթեթավորումը նշանակալից դեր է կատարում չնախատեսված գնումների դեպքում: Հայտնի է, որ չնախատեսված գնումները կատարվում են հիշողությունների ներգործման և տեսո­ղական ազդեցության ներքո: Այսինքն՝ այդպիսի գնումները տեղի են ունենում այն ժամա­նակ, երբ տեսնելով տվյալ ապրանքը, գնորդը հիշում է, որ այն անհրաժեշտ է իրեն և արդյուն­քում գնում է կատարում: Բացի այդ, չնախատեսված գնումներ են կատարվում նաև իմպուլսիվ կերպով: Այս պարագայում ինքը՝ ապրանքը, փաթեթավորումը կամ ցուցանմուշն են գնում կատարելու ցանկություն առաջացնում: Այսինքն՝ իմպուլսիվ ազդեցությամբ կատար­ված գնումն իրականացվում է գնորդի զգացմունքների վրա՝ ապրանքի կամ փաթեթավորման ներազդելու արդյունքում՝ առաջացնելով ունենալու և գնման մասին որոշում կայացնելու ցանկություն: Ընդ որում՝ չնախատեսված գնումները որոշիչ նշանակություն ունեն ինքնաս­պասարկման ժամանակ՝ հատկապես հաշվի առնելով առանց ցուցակի գնումներ կատարելու միտումը: Եվ չնախատեսված գնումների պարագայում փաթեթավորումն ունի անսահման հնարավորություններ, թեև կատարում է հենց այդպիսի՝ հաճախորդներին իրենց պահանջնե­րի մասին հիշեցնող էական դեր: Այսինքն՝ այն պետք է հաղորդի ճիշտ տեղեկատվություն, ու­նենա ձգողական ուժ և գրավի հաճախորդի ուշադրությունը: Փաթեթավորման դերը արտադ­րանքի առաջխաղացման ռազմավարության մեջ կարելի է ներկայացնել կենդանի վաճառողի դերի և վաճառող-փաթեթավորման համեմատության օգնությամբ: Բացի հասանելի ապրանք­ների, գների կամ թեկուզ որակի մասին տեղեկատվություն տալուց՝ վաճառողը կարող է շատ կարևոր դեր կատարել՝ հաղորդելով ռազմավարական տեղեկատվություն: Նա կարող է այդ տեղեկատվությունը հարմարեցնել այնպես, որ այն համապատասխանի առանձին սպառողի պահանջներին և ծառայի որպես տեղեկատվության փոխանակում արտադրողի և շուկայի միջև: Թեև վաճառողի դերն այդքան կարևոր է, բայց իրականում այն կարելի է սահմանափակել միայն որոշ արտադրատեսակներով (ինչպես դեղատներում, որտեղ վաճառողի ներկա­յությունն անհրաժեշտ է): Մնացած ապրանքների և հատկապես սննդամթերքի պարագայում վաճառողի աշխատանքը դառնում է ոչ այդքան անհրաժեշտ: Շատ ապրանքներ գերազանց վաճառվում են ինքնասպասարկման համակարգում, որտեղ գնորդը կարող է ազատորեն ձեռք տալ, համեմատել, ընտրել և գնել՝ առանց վաճառողի հետ խորհրդակցելու (տվյալ դեպ­քի համար լավագույն օրինակ են ծառայում ինտերնետ խանութները): Այսինքն՝ այս պարա­գայում վաճառողի պարտականություններն ուղղակի կատարում է «համր վաճառողը», այն է՝ փաթեթավորումը: Այն կարող է կատարել վաճառքի գործառույթներ՝ հաղորդելով ինչպես բնորոշ, այնպես էլ ռազմավարական տեղեկատվություն: Սակայն էական տարբերություն կա վաճառողի կողմից առաջացրած ազդեցության և փաթեթավորման հաղորդած տեղեկատ­վության միջև, կորչում են անհատական առանձնահատուկ շփումները կենդանի մարդու հետ, քանի որ փաթեթավորումը հաճախորդի վրա չի կարող գործել այն աստիճան տպավորութ­յուն, որքան դա կարող է անել մարդը: Բայց մյուս կողմից՝ մանրածախ առևտրի խանութնե­րում դա հաճախորդին ազատում է հաճախ անբարյացակամ սպասարկող անձնակազմի հետ ոչ հետաքրքիր հանդիպումներից: Փաթեթավորման ամենաթույլ գիծն այն է, որ չի կարող ար­տադրողներին և վաճառողներին տեղեկացնել շուկայում գերիշխող տրամադրությունների մասին, այսինքն՝ բացակայում է հետադարձ կապը: Պետք է հատուկ ընդգծել այն փաստը, որ փաթեթավորումը չի կարող նաև հարմարվել սպառողների փոփոխական պահանջներին: Այս իրավիճակը ստիպում է ստեղծել հաստատություններ, որոնք, սպառողների շրջանում հարցումներ անցկացնելով, հավաքում են տեղեկատվություն շուկայի մասին:

Փաթեթավորման նկատմամբ մանրածախ վաճառողը նույնպես որոշ պահանջներ է ներկա­յացնում:

– փաթեթավորումը ապրանքի հետ միասին պետք է հետաքրքիր տեսք ունենա,

– փաթեթավորումը պետք է լինի այնպիսին, որ հնարավոր լինի այն հեշտորեն բռնել, տեղափոխել կամ ցուցադրել,

– վաճառքի համար պահանջվող ժամանակը և ջանքերը պետք է հասցնել նվազագույնի:

Փաթեթավորումը և առևտրի առաջխաղացումը

Փաթեթավորումն անմիջական դեր է կատարում նաև առևտրի ակտիվացման գործում: Ստորև ներկայացված են փաթեթավորման միջոցով առևտրի աշխուժացման մի շարք մեթոդներ:

Միջոցների տնտեսման առաջարկ՝ Money-off pack

Սա արտադրանքի առաջխաղացման հանրամատչելի և արդյունավետ ձև է, բավա­կանին պարզ է իրագործելիս, ե փաթեթավորման արժեքն էլ չնչին փոփոխության է ենթարկվում: Այս առաջարկը հիմնվում է շուկայական պարտագրող գներից ավելի ցածր գնով ապրանքի ձեռք բերման վրա, ինչը ակնառու է փաթեթավորման պիտակից: Օգտա­գործվում են առանձնահատուկ՝ այսպես կոչված, «flash» պիտակներ, որպեսզի գնորդների ուշադրությունը հրավիրվի այն առաջարկության վրա, ըստ որի այդպիսի փաթեթավորման արժեքը չի տարբերվում մինչ այդ օգտագործվածի արժեքից: Այս ռազմավարության թույլ կողմը մրցակից ների կողմից կեղծումների հնարավորությունն է, ինչը կարող է թուլացնել այդ ապրանքատեսակի լոյալությունը:

Գնում առիթով՝ Bonussales packs

Այս դեպքում ստանդարտ փաթեթավորման գինը պահպանվում է, բայց մեծանում են փաթեթավորման ծավալները: Կարող է ավելացվել նաև լրացուցիչ փաթեթավորման արժեք, բայց այն ընդհանրապես համեմատաբար ցածր է: Բայց դա էլ լինում է այն դեպքում, երբ այդ փոփոխությունները չեն հանգեցնում մեծ հավաքովի կամ տրանսպորտային փաթեթավորում­ների անհրաժեշտությանը: Շուկայի վրա ներգործության առումով սա նման է նախկին մեթոդին:

Փաթեթավորում կտրոններով

Այս ռազմավարության ժամանակ ապրանքի գնման համար փաթեթավորմանը կցվում են կտրոններ: Դրանք վկայագրեր են, որոնք իրենց տերերին իրավունք են տափս ձեռք բերե­լու դրանց վրա նշված արտոնությունները: Այս ռազմավարության մեկ այլ ձև է արժեթղթերի թողարկումը, որոնք կազմում են բուն փաթեթավորման մասը, օրինակ՝ պիտակները: Սպա­սարկման տեսանկյունից այս մեթոդները համեմատաբար առավել թանկ և աշխատատար են, սակայն դրանցից հետևող օգուտն ահռելի է. ավելանում է դրական վերաբերմունքն ապրանքատեսակի նկատմամբ, անհրաժեշտ հող է նախապատրաստում շուկա նոր ապրանք ներմուծելու համար կամ էլ սպառողների վարքագծի փոփոխման պատճառ է դառնում: Սակայն այս ձևերը ավելի պակաս մատչելի են, քան փողերի անմիջական վերա­դարձով ռազմավարությունը (զեղչով):

Նվերներ՝ փաթեթավորման դրսի կողմից

Այս դեպքում նվերներն ամրակցվում են ստանդարտ փաթեթավորմանը: Այս մեթոդի դրական կողմն այն է, որ պետք չէ փաթեթավորումը փոխելու անհրաժեշտություն չկա: Իսկ այն փաստը, որ նվերը գտնվում է դրսի կողմց, մեծացնում է փաթեթավորման նկատելիութունը և դրանով իսկ՝ հաջողությունը: Բայց այս մեթոդի կիրառման դեպքում մեծանում են նաև լրացուցիչ աշխատանքով (նվերի ամրակցում) պայմանավորված ծախսերը և նվերի գողութ­յան հավանականությունը: Այս նպատակներով օգտագործվող թերմոժապավենները դրակա­նորեն են ազդում նվերների նկատելիության և ծախսերի աստիճանի վրա:

Նվերներ՝ փաթեթավորման ներսի կողմից

Այս մեթոդը նման է նախորդին՝ այն տարբերությամբ, որ նվերները տեղադրվում են փաթեթավորման ներսում: Բայց ապրանքի և փաթեթավորման տեսքի հետ կապված՝ որոշ սահմանափակումներ են առաջանում: Առավել արդյունավետ է համարվում այն առաջար­կությունը, որն առնչվում է ապրանքի գործնական կիրառությանը, օրինակ՝ ամանեղենի լվացման հեղուկի շշին ամրացված սպունգը: Սահմանափակող գործոն է նաև հենց նվերի համատեղելիությունը բուն ապրանքի հետ, հատկապես եթե դրանք սննդամթերքներ են:

Փաթեթավորումը՝ որպես նվեր

Նվեր կարող է լինել հենց ինքը՝՝ փաթեթավորումը, եթե այն պիտանի է բազմակի օգ­տագործման համար: Սա շատ հանրահայտ մոտեցում է, որը սպառողի մոտ առաջացնում է ապրանքատեսակի նկատմամբ բարյացակամ վերաբերմունք: Հաճախորդների կողմից տվյալ ապրանքը մշտապես գնելու առումով այս մեթոդը ծառայում է որպես խրախուսման միջոց, մանավանդ, եթե նվերները (փաթեթավորումները) կազմում են սերիաներ (շարքեր), օրինակ՝ տարատեսակ փոքրիկ գավաթները:

Փաթեթավորումը՝ որպես ֆիրմայի վարկանիշի ստեղծման կարևոր գործոն

Հասարակական կարծիքի ձևավորումը ապահովում է ֆիրմայի դրական վարկանիշի ստեղծումը շուկայում: Սրա հետ կապված մեթոդները, որոնք նույնպես փաթեթավորման մի­ջոցով են հաղորդվում, սովորաբար սահմանափակվում են ապրանքանիշ-սպառող շփումնե­րով: Սակայն ինչպես գովազդի, այնպես էլ հասարակական կարծիքի ձևավորման դեպքում նշանակալից դեր է կատարում փաթեթավորումը: Դրա վրա առանձնացվում է որոշակի տա­րածք, որն անհրաժեշտ է ֆիրմայի ապրանքային նշանի, լոգոտիպի և դրոշմանիշի համար: Այս պարագայում փաթեթավորումը ֆիրմայի դիմագծի կրողն է: Եվ գովազդային դերին հա­կառակ՝ փաթեթավորումը դառնում է ֆիրմայի դրական վարկանիշի փոխանցողը, ինչին կարելի է հասնել խորհրդանիշ ների, գույնի, ձևի և այլ միջոցների համապատասխան օգտա­գործման ճանապարհով: Եվ փաստ է, որ այդ տարրերի ճիշտ համադրումը կարող է ստեղծել որոշակի տպավորություն և պատկեր: Այսպիսով, ֆիրմայի ցանկալի դիմագծի որոշումից հե­տո փաթեթավորումը կարող է նախագծվել և ուղարկվել այդ դիմագծի արտացոլմամբ: Օրի­նակ՝ ֆիրման, որը ցանկանում է շրջակա միջավայրի վերաբերյալ մտահոգվողի հեղինակութ­յուն ստեղծեր կարող է իր փաթեթավորումները պատրաստել երկրորդային կամ վերամշակ­ման և կրկնակի օգտագործման համար պիտանի նյութերից՝ այդ փաստի մասին տեղեկաց­նելով փաթեթների վրայի գրությամբ:

Արդյունքների ամփոփում

Ամփոփելով՝ կարելի է մեջբերել շուկայագիտության բնագավառի փորձագետներից մեկի հետևյալ դիտողությունը. «Ներկայումս սպառողը դարձել է հիպնոսացված՝ խանութում անցնելով տարբեր փաթեթավորումների այնպիսի մեծ քանակությունների կողքով, որ դժվա­րությամբ է տարբերում ինչ-որ բացառիկ դիրքեր: Այս քաոսում լավ փաթեթավորումը պետք է ունենա հատկապես նկատելի գծեր, որոնք կարող են գրավել գնորդի ուշադրությունը և սկիզբ դնել նրա վրա համատեղ ազդեցության, ինչը հանգեցնում է այն բանին, որ ապրանքը կենդա­նանում է նրա ձեռքերում և հասնում նպատակին, այսինքն՝ հանգեցնում է գնմանը»:

“Packaging. Materials, Equipment, Technologies, News”

Ա.Ա. Մարտիրոսյան, «Անտարես» մեդիա հոլդինգի տնօրեն